وصف دين الاسلام ونصر السنة


    تداخل فى موجات الازاعة

    شاطر

    عاشقة رسول الله

    المساهمات : 4
    تاريخ التسجيل : 26/07/2009

    تداخل فى موجات الازاعة

    مُساهمة  عاشقة رسول الله في الثلاثاء 28 يوليو 2009, 08:10

    الاسكتش ده مشهور جدا وعجبنى قوى لأنى شوفته فى فرح اسلامى ...يارب يعجبكوم
    الموضوع ان حصل تداخل فى موجات الأزاعه اللى كانت بتعرض 3 برامج مختلفه
    1- مباراة كوره ..... معلق
    2-برنامج عالم الحيوان....مذيع
    3- برنامج فى فن الطهى ....طباخ
    معلق: اعزائى المشاهدين اهلا بكم فى هذا اللقاء المرتقب بين فريقين الفارالشرس والكتكوت المفترس
    الطباخة:عزيزتى ربة البيت.......ميعادنا النهارده مع طريقة جديدة لعمل صنية
    فراخ فى الفرن
    المذيع: مرحبا بكم ايها السادة المشاهدين .......فى برنامجكم عالم الحيوان
    المعلق:اعزائى المشاهدين ......على يمينك وانت قاعد قدام التليفزيون فريق الكتكوت المفترس اللى بيتكون من........
    الطباخة: الطماطم والخيار والجزر....لا زم لما تشتريهم يكونواطازة ويستحسن
    انك تشتريها بنفسك من .........
    المذيع: وحيد القرن ......ودا من اثقل الحيوانات البرية .....اما اثقل الحيوانات
    البحرية فهو .....
    المعلق:الحكم النهارده ........الحكم النهارده جاى من فرنسا مخصوص عشان
    الماتش .......واستغل الفرصة وزارالاهرام وركب على .........
    المذيع : النمل الابيض .......ويعتبر من اشرس انواع النمل وهو يتغذى على
    الخشب ولكن الد اعدائه من الحشرات.......
    المعلق : الكابتن شحاته ابو كف.....وبيقول انه بيحب الكابتن الخطيب جدا
    وامل حياته انه يحترف فى........
    الطباخ : نص طماطمايه...وتعصريها على الفرخه قبل التقطيع لكن لازم تحطى
    فى الفرخه .........
    المعلق : ميت الف متفرج......جايين يشاهدوا المباراة النهاردة ويساندوا فريقهم
    اللى ......
    المذيع : بيتغذى على دود الارض.......ويتميز السنجاب انه.....
    المعلق : بياخد الكورة ويجرى ويجرىويشوط جامدة لكن برة.....اللاعب ده
    رجله جامدة زى ........
    الطباخ : المكرونه المسلوقه......حلوة مع الفراخ ممكن تقدميها لاسرتك
    ومعاها.........
    المذيع : تمساح صغيروها هو يقف مع مجموعه من التماسيح التى تتميز بفم
    ضخم مثل.......
    الطباخ : معدة جوزك......لازم تشوفى الاكل اللى يريحهاويستحسن قبل الاكل
    تديله....
    المعلق : انذار....اول انذار فى المباراة للاعب رقم 7 فى فريق الفار الشرس
    واللاعب دا فى شكله وستايله كده بيفكرنا ب....
    المذيع : ابو قردان.....لونه ابيض وله ارجل طويله جدا ويعيش فى .......
    الطباخ : صينية البطاطس...لما تخلصيها تحطيها فى الفرنبس لازم يكون
    فيها.......
    المعلق : مدرب فريق الكتكوت المفترس.......اللى كان بيلعب كورة زمان وكان
    اسرع من .......
    المذيع : السلحفاة البرية...التى تتغذى على الاعشاب وتعرف بحبها الشديد ل......
    المعلق : منتخب البرازيل .......اللى بيعتبر احرف من المنتخبات فى كرة القدم
    واللعيبة اللى فيه كلهم بيلعبوا ف ...........
    الطباخة : صفيحة الزبالة ..........لازم ترمى كل حاجة وحشة فيها علا طول .....
    لان الزبالة والحاجات دى تعتبر بالنسبة ليك ........
    المذيع : غذاء اساسى ......... ولايمكن ان يتخلى عنه حيث ان الاسد يفضل التغذى
    على .............
    المعلق : مشجعين الدرجة الاولى وكلهم بيهتفوا لفريقهم اللى متقدم بهدف احرزه ...
    المذيع : الفيل الافريقى والذى يتميز بنابين كبيرين وأذنان صغيرتان على عكس ....
    المعلق : لاعب خط الوسط اللى من بداية الماتش رابط على رجله ..........
    الطباخة : حزمة جرجير .........ويستحسن تكترى الاطعمة الخضرا والسلطة
    ويكون الطبق الاساسى على الغداء .......
    المذيع :ذبابة تسى تسى .........واللى تسبب مرض النوم حيث ينام الانسان فترات
    طويلة تتجاوز عدة ايام قد تصل الى ..........
    المعلق : 3 دقائق وقت ضايع ..........والماتش سخن جدا والحكم قال قبل المباراة
    ان شعاره فيها ............
    الطباخة : الكوسة......مش هتحتاجيها فى الاكلة دى لكن ممكن تحطيها لجوزك
    عالاكل عشان ..........
    المذيع : يتسمم .........بسبب المياه الملوثه من المصانع ........ومن اجل الحفاظ
    على الاسماك امرت الدوله بمنع.....
    الطباخة :سمنة التموين.....يستحسن ماتستخديمهاش فى اى حاجه وساعة تقطيع الفرخة تجيبى سكينه وتحطيها .......
    المعلق :فى بطن حارس المرمى بس يصدها بصعوبه قوى.....يااااااااهوادى احنا
    شايفين الحكم حاطط فى بقه......
    المذيع :آلاف الجراد الذى كان يغطى سماء مصر.......ولم تجد الدولة حلا له الا....
    الطباخة:الشوكة والسكينه وبالهنا والشفا والمرة الجاية هناكل مع بعض......
    المعلق:رجل اللاعب رقم 8 والحكم بيصفر عشان يعلن انتهاء المباراة بفوز ....
    المذيع : قنديل البحر...وهكذا سادتى المشاهدين تنتهى حلقتنا اليوم ........كنتم مع
    برنامجكم المفضل .......
    الجميع : **هذا المساء**

      الوقت/التاريخ الآن هو الثلاثاء 21 أغسطس 2018, 08:00